كثير ناس تعتقد إن أهم شي في القهوة نوع البن أو درجة الطحن، وهذا صحيح جزئيًا لكن في الـ V60 تحديدًا، طريقة الصبّة تلعب دور جدا كبير جدًا في الطعم النهائي.
يعني تقدر تستخدم نفس البن ونفس الطحن، بس تغيّر طريقة صبّتك للموية ويطلع معك كوب مختلف تمامًا.
طيب ليش الصبّة تأثر؟
لأن الاستخلاص في الـ V60 يعتمد على كيف الموية تمر من خلال البن.
إذا صبّيت بسرعة، الموية بتنزل بسرعة.
إذا صبّيت بهدوء وبشكل متوازن، الاستخلاص بيكون أهدأ وأدق. الموضوع كله يعتمد على:
سرعة الصبة و توزيع المويه و عدد الدفعات ومدة التجانس بين الموية والبن
لو صبّيت الموية بسرعة وبكمية كبيرة دفعة وحدة، غالبًا:
- القهوة تطلع خفيفة
- الحمضية تكون أعلى
- القوام يكون أخف
وهذا يناسب اللي يحب القهوة الخفيفة.
الصبّة البطيئة والمتدرجة
لما تصب بهدوء وعلى دفعات:
- الاستخلاص يزيد
- الحلاوة توضح أكثر
- القوام يصير أثقل
بس انتبه، لو طولت زيادة ممكن تدخل في المرارة. أهم خطوة: البلومينق ( الترطيب )
أول 30 إلى 40 ثانية بعد ما تصب أول كمية بسيطة من الموية (اللي تغطي البن بس)، هذي مرحلة مهمة جدًا.
